Plantun de Prouvènço

Pèr coumpara dos planto d'encò nostre

Thalictrum flavum & Coronilla minima subsp. lotoides

Thalictrum flavum

Ranunculaceae

Noms en français : Pigamon jaune, Pigamon des rives.

Descripcioun :
La rudo-de-prat se rescontro dins li relarg umide, prado e roubino. Es uno planto gaire coumuno au nostre. Èi pulèu grando, sènso péu e poulideto emé sis estamino bèn jauno. Se destrìo de Thalictrum lucidum bonodi si fueio que soun bèn mai larjo (>3mm) emé de tros en lanço (fotò).

Usanço :
Li racino ajudon à caga e à pissa. Li fueio en bouioun soun lachativo. La racino s'utiliso pèr tencha la lano en jauno.

Port : Grando erbo
Taio : 80 à 150 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Thalictrum
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Roubino - Prado umido
Estànci : Mesoumediterran
Couroulougi : Éurasiatico
Ref. sc. : Thalictrum flavum L., 1753

Fauciho(-menudo)

Coronilla minima subsp. lotoides

Fabaceae Leguminosae

Nom en français : Coronille faux lotier.

Descripcioun :
Aquelo meno de fauciho-menudo es pulèu un aubret que trachis sus cauquié. Sèmblo qu'es eisaplouïdo au contro de la meno minima que sarié tetrapouïdo. Èi pèr acò qu'èi mai grando dins tóuti si partido (planto, flour ->8 mm- e fueioun). Coumpara emé la subsp. minima adounc mai pichoto e mai coumuno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 60 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Coronilla
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 8 à 12 mm
Flourido : Printèms

Sòu : Ca
Autour basso e auto : 100 à 700 m
Aparado : Noun
Remarco : Meno à 6 x
Abriéu à jun

Liò : Tepiero seco - Garrigo - Roucaio
Estànci : Mesoumediterran à Coulinen
Couroulougi : Eurimediterrano-Ouèst
Ref. sc. : Coronilla minima subsp. lotoides (W.D.J.Koch) Nyman, 1878

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Thalictrum flavum & Coronilla minima subsp. lotoides

ges

Coumpara Rudo-de-prat emé uno autro planto

Coumpara Fauciho(-menudo) emé uno autro planto